عضوه والمطبخ لقاء اسبوعي

1_السلام عليكم ورحمة الله وبركاته ؟

وعليكم السلام والرحمه

2_عرفينا عن نفسك وخاصه في الطبخ ؟

وش اقول وش اخلي
بصراحه مالي داعي بالمطبخ....

3_تحبين الطبخ او لا؟

لا ابدا ولا يمكن احبه بيوم


4_وجبتك المفضله؟

الباستا



5_طبق تحبين تسوينه كثير؟

فديتك ماعندي غير الكبسه والايدامات

6_الطبخات اللي تسوينها معدودة ولا كثير وماتنعد؟


معدوده وبقوه

7_اول مرة دخلت المطبخ كم كان عمرك لو تذكرين ؟

كان 11 سنه بس ماكنت اطبخ
وقتها كنت ابكي الا اغسل القدور <<<<< من زود النشاط

8_اول طبخه طبختيها وش كان هي؟


رز ابيض<<<< تعبتي نفسك

9_طبخه طبختيها وفشلتي فيها وش كان شعورك وقتها والكل منتظر تخلصين؟

الكيك اول مره اصلحه ومتحمسه وتعبانه عليه
وبالاخير من جواه ما استوى...

10-طبخه طبختيها والكل مدحك ؟

والله مايمدحوني الا على كبسه اللحم والسليق
لانه مافي غيرها اصلا اطبخه

يعني انا بس اعرف الاكلات الشعبيه فقط
11_موقف طريف صار معاك في المطبخ ؟

بصراحه ماقد صار


12_يعتمد عليك في الطبخ او لا؟

اذا الطبخ بس لاهلي ايه يعتمد
بس اذا عزيمه واحد بيجي عندنا بصراحه احتاس


13_قوليلنا وصفه لطبخه حلوه كثير تسوينها عشان نجربها ؟
طبعا هذي مستحيل انا اسويها
جبتها من خالتي هي تعشق الطبخ
ان شاء الله تعجبكم

المقادير:
نفس عجينه البـيتزا

الحـشوه:
بصل شرائح
مشروم شرائح
فلفل رومي شرائح
جزر مبشور
صلصة بيتزا او كاتشب
شرائح مارتدلا ( استبدلتها بدجاج )
جبن موزريلا

الطريقة:
نفرد العجينه بشكل مربع
ندهنها بصلصه البـيتزا او الكاتشب
نضيف الدجاج وباقي المقادير ونسكرها بشكل جديله
واذا حابين سوي العجين دوائر وسكريها بحيث تكون نصف دائره
ونرش جبن الموزريلا ع الوجه وندخلها الفرن



14_سوي طبخه وصوريها لناإذا امكن؟

كان ودي اطبخ لكم كبسه باللحم اللي يحبها قلبكم
بس المشكله مو دوري المطبخ
لانه بس يوم واحد بالاسبوع اطبخ<<<<<<<<<<<<تعبتي نفسك


15_نصحيه توجهينها لطباخات منتدانا الغالي { شموخ بدر}..

اقولهم الله الله بالتنويع والتجديد

واذا مره مره مليتو من الطبخ اعتزلوه
وخلو المرعى ترعى <<<<< امحق نصيحه اقول روحي نامي خخخخخخخخ

وبس خلصت

سالفه

مشكوره يابعدي على الاستضافه
وماننحرم من روعتك ونشاطك وتميزك
جعله دايم الدوم

واختار بعدي اللي افشل مني بالطبخ..

حلاتي بكشتي

وكل الحب لكم

كل الشكر لك

حبيبتي

مشاعر خجوله

وبانتظار اختي حلاتي بكشتي